jab se tum gaye ho

Veeraan hai mehfil meri jab se tum gaye ho

Bujh gayi hai saari roshni jab se tum gaye ho

Andheron ke saaye mein hai rooh meri

Roshni ne chhora daaman jab se tum gaye ho.

 

Dil ki duniya khali hai tab se,jab se tum gaye ho

Sab aane se darte hain yahan,jab se tum gaye ho

Sheeshe mein dekhta hoon chehra apna to ro deta hoon

Kissi ne na poonche aansoo jab se tum gaye ho.

 

Khamosh ho chuki hai zubaan jab se tum gaye ho

Meri aankhon mein toote hue sapne kuch de gaye ho

Unhi sapno mein ab zindagi ki guzzar karta hoon

Us khawab ko toda nahin jab se tum gaye ho.

 

Dour jab tum mujh se ho to yeh khyal aata hai

Kya meri tarah tum bhi aahein bhar rahe ho

Phir jab aati hain mujhe hichkiyan

Yeh sochta hoon keh tum mujhe yaad kar rahe ho.

 

Zinda hoon main yahan to teri hi khatir

Ke maut bhi aati nahin hai jab se tum gaye ho

Akelapan hai bas ab mere saath

Khushiyan to tum se thien,tum unko le gaye ho

Kaash khawabon mein hi aa jao bahaut tanha hoon

Ya mere zehan se yaadon ke diye gul kar do

Mere ehsaas ki duniya ko mitta do ham dam

Raat taare nahin angaare liye aati hai

In baraste hue sholon ko bujhaa do ham dam

Dil ki dharkan ko sula jaao bahaut tanha hoon

Andheri raat mein jab chaand khilne lagte hain

Tumhaare pyaar ke deepak jalaa ke rota hoon

Tumhaare aane ki jab aas jaane lagti hai

Main in chiraaghon ko khud hi bujha ke rota hoon

Zindagi aisi mitta jaao bahaut tanha hoon

Sochte sochte jab soch bhi mar jaati hai

Waqt ke qadmon ki aahat ko suna karta hoon

Ashk thamte hain to aahon ka dhuwan uthta hai

Raat bhar younhi tarapta hoon, jala karta hoon

Baar- e- gham kuch to ghatta jaao bahaut tanha hoon

Khamosh raaho mein tera saath chahiye,
Tanha hai mera hath,tera haath chahiye,
Mujhko mere muqadar per itna yakeen too hai,
Tujhko bhi mere lafz, meri baat chahiye,
Mein khud apni shairi ko kiya ACHA kehta,
Mujhko teri tareef, teri daad chahiye,

Maine pucha kaise ho

Mein ne Poocha kesey ho
Badley Ho ya wesey ho

Roop wohi, Andaaz wohi
ya phir is mein koi kami

Hijr ka kuch ehsaas to hoga
koi tumharey pass to hoga

mein Bichra ye majboori thi
kab manzoor mujhey Doori thi

saath Humara kab choota hai
Rooh ka Rishta kab Toota hai

Aankh se jo aansu Behtey hain
Tum ko khabar hai kia kehtey hain

mein ne kaha aawaz tumhari
aaj Bhi hai Humraaz Hamari

Phool wafa k khil jaain ge
aik Din Phir Ham mil jaain ge