Karon to kis leye aakhir mallal us ka

Usey nahi tu mujhe bhi nahi khayal us ka

Meri wafa ne banaya hai bewafa us ko

Kisi ada per bhi nahi hai kamal us ka

Mere naseeb ki yeh bhi tu khushnaseebi hai

Kay mujh ko dekh kay sub poochte hain hal us ka

Yahi dua main karoon har bars kay pehle din

Mere bagheer na guzre koi bhi lumha us ka

Mere urooj ko us kay naseeb main likh dey

Khuda-e-pak mujhe sounp de zaval us ka